Saudiya Arabistonidagi axborot manbalarining aytishicha, 2017 yilga qadar butun musulmon ahli uchun muqaddas sanalgan, Masjidul Harom joylashgan Saudiya Arabistonining Makkai mukarrama shahrida dunyodagi eng katta mehmonxona barpo etilishi ko`zda tutilmoqda. Bu haqda Saudiya Arabistonining “Sabaq” elektron nashri ma`lumotlariga asoslanib, muslim.uz xabar berdi.
Ma`lumotlarga ko`ra, mehmonxona 12 ta minora ko`rinishida quriladi. Ushbu minora ko`rinishidagi binolar majmuasida jami 10 mingta xona, 70 ta restoran, anjumanlar o`tkaziladigan zallar va supermarketlar joylashadi.
Mehmonxonaning 10 ta binosidagi xonalar “4 yulduzli” va qolgan 2 tasidalar esa “5 yulduzli” bo`ladi. Mehmonxonalar Saudiya Arabistoniga haj va umra safarini ado etish maqsadida xorijdan tashrif buyuradigan millionlab ziyoratchilar uchun xizmat ko`rsatishi rejalashtirilmoqda. Shuningdek, mehmonlarga qulaylik yaratish maqsadida mehmonxona sathida vertolyotlarning qo`nish-uchish maydonchasi quriladi.
