"Sizlarning har biringiz bilan haqli ravishda faxrlanamiz" - Prezident faxriylarni bayram bilan tabrikladi (foto)

Siyosat 09.05.2020, 17:02
"Sizlarning har biringiz bilan haqli ravishda faxrlanamiz" - Prezident faxriylarni bayram bilan tabrikladi (foto)

Bugun Toshkent shahridagi G`alaba bog`idagi amfiteatrda 9 may – Xotira va qadrlash kuniga bag`ishlangan bayram tadbiri bo`lib o`tdi, deya xabar beradi Prezident matbuot xizmati.

Urush va mehnat faxriylari, davlat va jamoat tashkilotlari vakillari, harbiy xizmatchilar jam bo`lgan marosimda Prezident Shavkat Mirziyoev Xotira va qadrlash kuni hamda Ikkinchi jahon urushida qozonilgan G`alabaning 75 yilligi bilan barcha faxriylarni, butun xalqimizni tabrikladi.

– Bugungi qutlug` ayyomda barchamiz, avvalo, o`z jonini ona yurt uchun qurbon qilgan vatandoshlarimizning ruhi poklari oldida bosh egib ta`zim qilamiz. Sizlar kabi minglab urush va mehnat fronti qatnashchilarini – azmu shijoatli, dovyurak ota-bobolarimiz, sabr-matonatli onalarimiz, momolarimizning nomlarini hurmat bilan tilga olamiz, - dedi davlatimiz rahbari.

Siz azizlarning barchangizni g`oyibona bag`rimga bosib, bugungi erkin va ozod hayotni ta`minlash yo`lida ko`rsatgan mardligingiz, Vatanga sadoqatingiz uchun o`z nomimdan, xalqimiz nomidan rahmatlar aytib, eng ezgu va samimiy tilaklarimni izhor etaman.

Biz sizlarning timsolingizda o`zining dono maslahatlari, boy hayotiy tajribasi bilan hammamizga ustoz va duogo`y bo`lib yurgan mo``tabar insonlarni ko`ramiz. Sizlarning har biringiz bilan haqli ravishda faxrlanamiz. Hayot yo`llarida duch kelayotgan turli qiyinchilik va muammolarni, hozirgi kunda boshimizga tushgan sinovlarni engib o`tishda biz sizlarning mislsiz sabot va matonatingizdan, qat`iyatingizdan doimo kuch va ibrat olamiz. Yosh avlodimizni Vatanga, xalqqa sadoqatli, jasur insonlar etib tarbiyalashda biz sizlarni doimo o`rnak deb bilamiz va kelgusida ham shunday bo`lib qoladi, – dedi Prezident. 

Davlatimiz rahbari bayram tadbiriga kelgan urush va mehnat faxriylarining har biri bilan salomlashib, hol-ahvol so`radi. Ularga sihat-salomatlik, uzoq umr tiladi. 

Shavkat Mirziyoev Qoraqalpog`iston Respublikasi Jo`qorg`i Kengesi Raisi va viloyatlar hokimlari bilan videoaloqa tizimi orqali muloqot qildi. 

Sharhlar

Ob-havo: Toshkent
Valyuta kursi
1