France Football nashri dunyo futboliga ta`sir doirasi juda kuchli bo`lgan shaxslarning ro`yxatini tuzib chiqdi.
Unga ko`ra, birinchi o`rinni "Pari Sen-Jermen" klubi prezidenti Nosir al-Xelayfi egallagan. Xabaringiz bor, u shu bilan birga Qatarning beIN Media Group telekompaniyasining rahbari ham hisoblanadi.
Kuchli uchlikdan "Yuventus" klubi hujumchisi Krishtianu Ronaldu hamda FIFA prezidenti Janni Infantinolar ham o`rin egallashgan.
To`liq ro`yxat bugun e`lon qilinishi kutilmoqda.
Eslatib o`tamiz, sal avval matbuotda Nosir al-Xelayfining firibgarlik ishlari, jumladan FIFA sobiq bosh kotibi Jerom Valkega pora berish, bir qator hujjatlarni soxtalashtirish kabi ayblovlar qo`yilayotgani haqida xabarlar chiqqandi.
