Bugun ijtimoiy tarmoqlarda Namangan viloyati Chortoq tumanidan oqib o`tuvchi kanalda ayol jinsiga mansub, deb gumon qilinayotgan shaxs oqib ketganligi tasvirlangan videoyozuv tarqaldi.
Ayni paytda Bosh prokuratura Matbuot xizmatining ma`lum qilishicha, mazkur holat yuzasidan Chortoq tumani prokuraturasi tomonidan tergovoldi tekshirish harakatlari o`tkazilmoqda.
Ayolning o`limi sababini aniqlash bo`yicha sud-tibbiy ekspertizasi tayinlangan. Shaxsini aniqlash bo`yicha barcha tezkor choralar ko`rilmoqda.
Tekshirish natijalari bo`yicha batafsil ma`lumot beriladi, deyilmoqda rasmiy bayonotda.
