O`zbekiston Respublikasi mustaqilligining 24 yilligi arafasida Uzinfocom markazi Mustaqil O`zbekistonning Buyuk yutuqlari haqidagi portalni ishga tushirdi, bu haqda Uzinfocom markazi direktori o`rinbosari Nozimjon Dalibaev xabar berdi.
Mustaqillik.Uz nomini olgan mazkur portalda Istiqlol yillarida o`zbek xalqi hayotidagi eng muhim voqealar va yutuqlar aks etadi.
Portalda O`zbekistonning yutuqlarini namoyish etuvchi raqamlar va faktlar yillar va hududlar kesimida keltirilgan.
Portalning asosiy vazifalari quyidagilardan iborat:
- mamlakat aholisini uning mustaqillik yillaridagi yutuqlari bilan tanishtirish;
- vatanparvarlik tuyg`usini oshirish va aholini bir maqsad yo`lida birlashtirish;
- bir necha asr davomida yaratilgan ma`naviy va madaniy merosni qayta tiklashga harakat qilish;
- yosh avlodda mamlakat kelajagiga nisbatan mas`uliyatni oshirish.
Kelgusida portalning ingliz tilidagi talqinni ishga tushirish rejalashtirilgan.
