Bugun bu erda katta, zamonaviy mavze paydo bo`ldi. Oxirgi 3 yilda tumanda 19 ming 522 xonadonli 460 ta ko`p qavatli uy foydalanishga topshirildi.
26 ta namunaviy tipdagi mahalla guzarlari barpo etildi. Shu davrda bu erga 100 mingdan ziyod aholi ko`chib kelib, jami aholi 276 ming nafardan oshgan.
Prezident Shavkat Mirziyoev shuncha odamning farovonligini ta`minlash, boshqaruvni samarali tashkil etish maqsadida ushbu hududda Toshkent shahar hokimligiga to`g`ridan-to`g`ri bo`ysunadigan alohida Yangihayot kichik tumanini tashkil etish taklifini bildirdi.
Foto: Toshkent shahar hokimligi
Prezident Shavkat Mirziyoev 29 may kuni Sergeli tumanidagi bunyodkorlik ishlari bilan tanishgach, faollar bilan muloqot qildi.
Muloqot chog`ida davlat rahbari tumandagi Choshtepa va Qipchoq mavzelari negizida Toshkent shahar hokimligiga to`g`ridan-to`g`ri bo`ysunadigan alohida Yangihayot kichik tumanini tashkil etish taklifini bildirdi.
«O`zbekiston 24» telekanali reportajidan ma`lum bo`lishicha, Shavkat Mirziyoev yangi tumanning hokimi lavozimiga Toshkent shahar hokimi o`rinbosari lavozimida ishlab kelayotgan Hayot Ilyosovich Inog`omov nomzodini taklif qilgan.
Bo`lg`usi hokim 1986 yilda Toshkent shahrida tug`ilgan, 2008 yilda Toshkent avtomobil va yo`llar institutini tamomlagan.
34 yoshli Inog`omov 2018 yildan oktyabridan buyon Toshkent shahar hokimi o`rinbosari – Toshkent shahar kanallardan foydalanish va ularga tutash hududlarni obodonlashtirish boshqarmasi boshlig`i lavozimida ishlab kelmoqda.
Bunga qadar u Vazirlar Mahkamasi huzuridagi «Tashkent City» xalqaro ishbilarmonlik markazi Direksiyasi DUK direktorining birinchi o`rinbosari bo`lib ishlagan.
Yangihayot – poytaxtning 12-tumani bo`ladi
Shavkat Mirziyoevning 2016 yil sentyabrdagi topshirig`i bilan, Sergelida 5 yil ichida 500ta ko`p qavatli uy qurilishi loyihasi boshlangan edi. Hozirga kelib, bu erda katta, zamonaviy mavze paydo bo`ldi.
Oxirgi 3 yilda tumanda 19 522 xonadonli 460ta ko`p qavatli uy foydalanishga topshirildi, 26ta namunaviy tipdagi mahalla guzarlari barpo etildi.
Shu davrda bu erga 100 mingdan ziyod aholi ko`chib kelib, jami aholi 276 ming nafardan oshgan.
Prezident matbuot xizmati xabariga ko`ra, bu hududda yangi kichik tuman tashkil etishdan maqsad – yangi ko`chib kelgan odamlarning farovonligini ta`minlash va boshqaruvni samarali tashkil etishdan iborat.
