Kuni kecha Toshkent viloyati Zangiota tumani Favqulodda vaziyatlar bo`limiga qarashli 23-yong`in-qutqaruv qism qutqaruvchilari yana bir insonning hayotini asrab qolishdi. Bu haqda FVV xabar berdi.
Voqea tafsilotiga qisqacha to`xtaladigan bo`lsak, tuman hududida joylashgan “Ilm shu`lasi” kanselariya mollari savdo kompleksi” MChJ binosi tomida, ushbu korxonaning elektr ta`minotiga mas`ul xodimi A.A. tungi yoritish chiroqlarini o`rnatayotgan edi. Kutilmaganda ish jarayonida uning sog`lig`i yomonlashib, harakatlana olmay qoldi.
Inson hayoti xavf ostida qolganidan xabar topgan yong`in-qutqaruv qismi qutqaruvchilari fuqaroni zudlik bilan bino tomidan olib tushib, uning xavfsizligini ta`minladilar. Fuqaroga birinchi tibbiy yordam ko`rsatilib, RShTYoIMga etkazildi. Hozirda fuqaroning sog`lig`i yaxshi.
