Koronavirus pandemiyasi davrida fransiyalik pishloq ishlab chiqaruvchilar oilasi tasodifan yangi pishloq turini yaratishdi. Mahsulotga "Karantin" nomi berildi.
Lionel va Laura karantin davrida uyda o`tirib qolishadi. Bu vaqtda erto`lada sotilmay qolgan pishloqlar soni 60 taga etib, ularning biznesi zararga kira boshlaydi. Oqibatda juftlik tushkunlikka tushib, erto`ladagi pishloqlardan xabar olmay qo`yadi.
Bir oydan so`ng erto`laga tushgan juftlik o`sha pishloqlardan yangi turdagi mahsulot yaralganiga guvohi bo`lishgan. Bu ustini mog`or qoplagan va mutlaqo o`zgacha ta`mga ega pishloq edi.
Bugungi kunda Lionel va Laura boshqa turdagi pishloqlarni ishlab chiqarishni vaqtincha to`xtatgan va faqat "Karantin" pishlog`ini tayyorlashmoqda. Bunga yangi turdagi pishloqqa talab keskin oshgani sabab bo`ldi.
