Jismoniy tarbiya va sport vazirligi matbuot xizmati ma`lum qilishicha, Osiyo futbol konfederasiyasi 2027 yilgi Osiyo kubogi musobaqasiga mezbonlik qilish uchun taklif yuborgan besh a`zo assosiasiya nomini rasman tasdiqladi.
Qit`a birinchiligini qabul qilish uchun O`zbekiston futbol assosiasiyasi ham davogarlik qilmoqda.
Shuningdek, Osiyo kubogi bahslarini qabul qilish huquqi uchun Hindiston, Eron, Qatar va Saudiya Arabistoni ham ariza topshirganligi ma`lum qilindi.
XIX Osiyo kubogining rasmiy mezboni 2021 yilda e`lon qilinishi rejalashtirilgan.
