Respublika maxsus komissiyasining qaroriga muvofiq xorijdan, xususan Rossiyadan O`zbekiston fuqarolarini Vatanga olib kelish uchun charter reyslar jadvali e`lon qilingan edi.
Tashqi mehnat migrasiyasi agentligining Rossiyadagi vakolatxonasi ma`lumotiga ko`ra, Rossiya Federasiyasidan O`zbekistonga rejalashtirilgan charter reyslar jadvaliga o`zgartirishlar kiritilishi kutilmoqda.
Shu munosabati bilan fuqarolardan aviachiptalar xarid qilishda shoshmaslikni, norasmiy ma`lumotlarga ishonmaslikni so`raymiz.
Ushbu masala yuzasidan O`zbekiston Respublikasining vakolatli tashkilotlari rasmiy xabarlarini kutish tavsiya etiladi.