Sog`liqni saqlash vazirligi O`zbekistonda koronavirusning navbatdagi qurbonini ma`lum qildi.
Navoiy viloyati Zarafshon shahrida yashovchi 55 yoshli J.O`. (erkak kishi) 6 iyul kuni “COVID-19” infeksiyasiga namuna topshirgan, shu kuni Zarafshon shahridagi shifoxonaning reanimasiya bo`limiga yotqizilgan.
Unga “COVID-19” infeksiyasining og`ir kechishi, ikki tomonlama pnevmoniya, nafas etishmovchiligining 3-darajasi tashxisi qo`yilgan. U gipertoniya kasalligi, arterial gipertenziya, yurak ishemik kasalligi, zo`riqish stenokardiyasi, semizlik kabi hamroh kasalliklar bilan ham og`rigan.
Kasallik o`tkir nafas va yurak qon-tomir etishmovchiligi, o`pka arteriyasi tromboemboliyasi asorati bilan kechgan.
Shifoxonada bemorning davolanishi davomida shifokorlar tomonidan konsultasiya qilingan, davolash jarayoni mutaxassislar tavsiyasi asosida olib borilgan.
Biroq shifokorlar tomonidan standartlar asosida o`tkazilgan reanimasion muolajalarga qaramasdan bemorning ahvoli keskin og`irlashib, o`tkir yurak qon-tomir va nafas etishmovchiligidan vafot etdi.