Bugun o`zbek san`atida yana bir san`at arbobi, o`zining takrorlanmas rollari bilan butun kino va teatr ixlosmandlarining yuragidan joy olgan O`zbekiston Respublikasida xizmat ko`rsatgan Artist Abdurayim Abduvaxobov olamdan o`tdi.
Abduraim Abduvahobov 1963 yilda Toshkent shahrida tug`ilgan.
O`zbekistonliklar uni "shum bola"dan tashqari "Suyunchi"dagi "propesor" sifatida ham yaxshi bilishadi.
U "Tojikfilm" studiyasida tasvirga olingan "Jo`ra ovchi" filmida ham rol o`ynagan.
Abduraim Abduvahobov Toshkentdagi teatr va rassomchilik oliygohini tugatgan.
Jamiyatda "teatr o`ldimi?" degan bahslar boshlangan paytda dramaturg Erkin Xushvaqtovning "Chimildiq" spektakli sobiq Hamza Akademik teatri, hozirgi Milliy Akademik drama teatrida sahnalashtirildi, tomoshabin ko`pligidan Toshkentda bu spektaklga chipta topish qiyin bo`lib qoldi.
Abduraim Abduvahobov "Chimildiq"dagi asosiy obrazlardan biri kuyov rolini o`ynagan.
Biz ham tahririyat nomidan sevimli aktyorning oila a`zolariga hamdardlik bildiramiz.
Eslatib o`tamiz, bundan avvalroq, O`zbekistonda xizmat ko`rsatgan artist Hoshim Arslonov kasallikka chalinib, vafot etgan edi.
