АҚШнинг Лас-Вегас шаҳрида ўтказилган “Коинот гўзали-2015” кўрик танловида Филиппин вакиласи 26 ёшли Пиа Алонсо Вуртцбах ғолиб бўлди. Бу ҳақда “Lenta.ru” хабар бермоқда.
Дастлаб бошловчи Стив Харвининг хатоси билан соврин 21 ёшли колумбиялик қиз Ариадна Гутьеррес Аревалога топширилди. У янглишиб Ариаднани “Коинот гўзали” деб эълон қилди. Аммо қизга ғолиблик тожини кийдиришганидан сўнг бошловчи ўзига берилган конвертдаги ғолибнинг исм-фамилиясини нотўғри ўқиганлигини тан олди. Шундан сўнг танловнинг ўтган йилги ғолиби Паулина Вега Гутьерреснинг бошидан тожни ечиб олди ва уни танловнинг ҳақиқий ғолиби филиппинлик Пиа Алонсо Вуртцбахга кийдириб қўйди.
Филиппинлик модель қиз Германияда туғилган. Тасдиқланмаган маълумотларга кўра, қизни Филиппин Президенти Бенигно Акино III билан ишқий муносабатлар боғлайди.
Халқаро танлов 16 декабрь, чоршанба куни старт олган эди. Гўзаллик мусобақаларида 80 нафар қизлар иштирок этди.
