Бугун, 15 январь куни Тошкент шаҳри Шайҳонтоҳур тумани Оқтепа мавзесида бензин ортилган юк машинаси ағдарилиб кетди. Бу ҳақда Facebook ижтимоий тармоғининг “Водители Ташкента” гуруҳида хабар қолдирилди.
Изоҳларда айтилишича, ҳодиса жойига ўт ўчирувчилар ва пост патрул хизмати етиб келган. Оқтепа майдонига олиб чиқадиган йўллар йўл-патрул хизмати ходимлари томонидан ёпиб қўйилган.
Бензин ортилган юк машинасининг нима сабабдан ағдарилгани ҳозирча маълум эмас.
