Олимларнинг таъкидлашича, вакцинанинг иккинчи дозаси Covid-19 дан омон қолганлар учун кераксиз. Уларга вакцинанинг биринчи дозаси етарли.
Маълум қилинишича, вирусдан тузалганлар учун иккинчи дозани талаб қилиш мумкин эмас.
Covid-19 дан даволанган одамнинг танасида коронавирусга қарши вакцинанинг биринчи дозасидан кейин зарур иммунитет реакцияси пайдо бўлади, бу эса иккинчи дозани қабул қилишга ҳожат қолдирмайди. Бу ҳақда The Wall Street Journal бир нечта тадқиқот ишларига асосланиб хабар берди.
Тадқиқотлардан бири Мериленд университети тиббиёт мактабида ўтказилди. Унда 59 нафар тиббиёт ходими иштирок этди. Олимлар вакцинанинг биринчи дозасидан сўнг, тадқиқотнинг коронавирусга чалинган 42 иштирокчиси Covid-19 га чалинмаган 17 кишига қараганда антителаларни юқори миқдорда ишлаб чиқарганини аниқлади.
