"Манчестер Юнайтед" ҳимоячиси Виктор Линделефнинг уйига номаълум шахслар бостириб кирган. Бу ҳақда Daily Mail хабар бермоқда.
Қайд этилишича, "Манчестер Юнайтед" меҳмонда "Брентфорд"га қарши ўйин вақтида швециялик футболчининг уйига ўғрилар ташриф буюрган. Футболчининг турмуш ўртоғи Майанинг айтишича, ўғриларнинг уйга бостириб кираётганини сезган ҳамда фарзандларини олиб, хоналарнинг бирида қулфланиб яширинган.
Ҳозирча жиноятчилар қанча миқдорда оилага зарар келтиргани борасида маълумотлар берилганича йўқ. "Қизил иблислар" бош мураббийи Линделефнинг "Вест Ҳэм"га қарши ўйинда иштирок этмаслиги маълум қилинди.
