“Арсенал” ҳужумчиси Пер-Эмерик Обамеянг қишки трансфер ойнасида “канонирлар”ни тарк этиши мумкин.
Бу ҳақда “Тҳе Атҳлетиc” нашри хабар берди. Манбага кўра, футболчи Европанинг бошқа жамоаларидан бирига ўтишни режалаштирмоқда.
Эслатиб ўтамиз, 2021 йилнинг 14 декабр куни ҳужумчи Пер-Эмерик Обамеянг “Арсенал” сардори мақомидан маҳрум қилинган эди. Клуб жиддий интизомий қоидабузарлик учун габонлик футболчидан сардорликни олиб қўйишга қарор қилди. Шу муносабат билан ҳужумчи январ ойида “Арсенал”ни тарк этиши мумкинлиги ҳақида хабарлар тарқалган эди.
Маълумот ўрнида: Обамеянг жорий мавсумда Премер-лигада 14 та ўйинда майдонга тушиб, 4 та гол урди ва битта голли узатмани амалга оширди.
