Икки вилоятда қалбаки акциз маркали алкоголларни сотмоқчи бўлганлар қўлга тушди

Бош прокуратура ҳузуридаги Департаментнинг Гулистон ва Янгиер шаҳри ҳамда Иштихон туман бўлимлари томонидан ўтказилган тезкор тадбирларда “L.S.”, “Sh.G’.” МЧЖ ва “A.S.” хусусий корхонасига қарашли савдо дўконларида ҳеч қандай ҳужжатсиз жами 1 189 дона қалбаки акциз маркали алкоголь маҳсулотлари сотувга қўйилганлиги аниқланиб, ашёвий далил сифатида олинган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.