1-СИР: Эркаклар суҳбат мақсади аниқ бўлгандагина мулоқотга киришади. Аёллар эса биринчи ўринда мақсадни эмас, жараённи мўлжаллашади.
- Суҳбат мақсади мавҳум бўлмасин.
- Эркакка савол беришни ўрганинг. Масалан, «ишларингиз қандай?» деб оддийгина сўрасангиз, жавоб ҳам қисқа бўлади: «яхши» ёки «бўлади». Буни шундай тарзда тўғри сўрашингиз мумкин: «азизим, янги лойиҳангиз қандай бўлаяпти? Ростдан ҳам ўзингиз ўйлаганчалик қийин эканми?»
- Гапнинг дангалини айтинг, бирор нимага шама қилиб, эркакни мавҳумлик билан чўчитманг.
2-СИР: Эркак жим ҳолда фикр юритади ва охирги натижанигина айтади.
Жуфтингиз билан бирор нимани муҳокама қилаётганда жавобни ўйлаб олишига имкон беринг.
3-СИР: эркаклар учун ўз туйғуларини ифодалаш осон иш эмас. Биз эса бунинг учун уларни ҳиссизликда айблаймиз. Ўз навбатида бу уларнинг «аёлим мени тушунмайди», деган қарорига сабаб бўлади. Шу боис:
- Эркак фикрини ифодалаётганида гапини бўлманг.
- Туйғуларини аниқлаб олиш жараёнида сабрли бўлинг. Чунки эркак кишига ҳисларини ифодалаш бизчалик осон эмас.
- Жуфтингизга унинг фикрини тушунаётганингизни билдиринг. Шунда у сизнинг туйғуларингизни янаям ҳурмат қилади.
- Севгилингизга нисбатан эътиборли ва самимий бўлинг.
