Ҳиндистоннинг Колката шаҳрида ўрнатилган Лионель Месси ҳайкали бузиб ташланиши мумкин. ESPN хабарига кўра, 21 метрли ҳайкал кучли шамол пайтида тебраниб кетгани учун хавфли деб топилган.
Маҳаллий аҳоли ёдгорлик мустаҳкам эмаслиги ҳақида шикоят қилган. Ҳинд депутати сўзларига кўра, ҳайкал шамол таъсирида қаттиқ чайқалган.
Маълумотларга қараганда, Месси ҳайкали ўтган йил декабрида атиги 27 кунда қурилган ва футболчининг Ҳиндистонга ташрифи вақтида “Интер Майами” ўйинчилари билан бирга очилган.
Ҳозир маҳаллий расмийлар монументни бошқа жойга кўчириш масаласини кўриб чиқмоқда.






