1. Биринчи хато: таxтакачнинг ўлчами
Кичкина таxтакачларни ўзи ким ўйлаб топган? Ким айтди, бундай кичик таxтакачларда тўғраш осон деб? Хеч ким. Лекин ошxоналаримизда 20 сантиметрли ингичка таxтакачлар ҳукм сурмоқда. Агар сизда ҳам шундай тахтакач бўлса, уларни олингда гул туваклари тагига қўйинг. Ўрнига эса 2 та катта ва қалин таxтакач харид қилинг. Мана энди ҳаммаси жойига тушди.
2. Иккинчи хато: ўтмас пичоқлар...
Пичоқ бир марта ва деярли умрбодга сотиб олинадиган анжом. Тўғри ўткир пичоқлар қиммат бўлади. Агар уларга пул кетказишни истамаётган бўлсангиз, пичоқларингизни чархлатиб олишингиз мумкин. Шунда бармоқларга ҳам зарар етмайди, сабзавотларни кесаётганингизда ҳам шарбати оқиб кетмайди. Ошxонангизда албатта: катта ошпазлик пичоғи, ўртача сабзавотлар учун пичоқ, узун ясси балиқ пичоғи, нон пичоғи бўлиши шарт. Ҳа айтгандек, нон ва гўшт учун алоҳида-алоҳида пичоқдан фойдаланинг.
3. Учинчи xато: сувни аясангиз, бўтєа ейсиз
Макарон қайнатишда сувни тежаш керак эмас. Масалан, ярим килограмм макарон қайнатиш учун 5 литр сув керак бўлади. Ана ўшанда макарон бўтқасига эмас, кутганингиздек дона-дона макаронларга эга бўласиз.
4. Тўртинчи хато: хамир узо-о-оқ қориш
Xамирни узоқ қорманг, акс ҳолда у сақичга ўxшаб чўзилувчан бўлиб қолади. Айниқса, сариёғ солинган хамирни тезда қориш керак, токи сариёғ бўлаклари хамир таркибида қолсин. Ана шунда пишириғингиз юмшоқ, майин ва кумир-кумир бўлиб пишади.
5. Бешинчи хато: қиздирилмаган ёғ
Қиздирилмаган ёғда пиширилган таом бемаза бўлади. Шунинг учун қанчалик шошаётган бўлсангиз ҳам қозонга ёғни қуйиб, яхшилаб қизиб олмагунча кутиб туринг.
6. Олтинчи хато: шошиб солинган саримсоқпиёз
Вақтидан аввалроқ солинган саримсоқпиёз мазасини йўқотади, унинг на таъми, на ҳиди ва на кўриниши қолади. Саримсоқпиёзни оловни ўчиргандан сўнг, таом тайёр бўлганда паррак қилиб кесиб, солинг, майдалаб эмас.
7. Еттинчи хато: ағдараверсангиз суви қочади
Гўшт ёки котлетларни товада қанча тез-тез ағдарсангиз шунча қаттиқ ва қуруқ бўлиб пишади. Аслида, уларни қизарганидан сўнг бир мартагина ағдарсангиз кифоя. Ана шунда уларнинг суви қочмайди.
