Ўқишга киритиб қўйиш ваъдаси билан пул олиш ҳоллари Тошкент, Бухоро ва Пискентда қайд этилди. Жумладан, Оҳангаронда нодавлат ОТМ бўлим бошлиғи 4 нафар фуқаро ҳар биридан 1 000 доллар олиб, 3-курсга жойлаштириб қўйишни ваъда қилган ва пул олаётганда ушланган.
Бухорода эса фуқаро А.И. бошқа бир кишининг ишончига кириб, уни Қирғизистонда ўқиган деб ҳужжат ясатган ва Бухоро инновацион тиббиёт институтига ўтказиб беришини айтиб, 3 000 доллар олаётганда қўлга тушган.
Пискентда эса икки фуқаро Тошкент давлат иқтисодиёт университетига киритиб қўйишни ваъда қилиб, 2 000 доллар олаётганда ушланган.
Ҳолатлар юзасидан Жиноят кодексининг фирибгарлик ва пора беришга оид моддалари билан жиноят ишлари қўзғатилиб, тергов ҳаракатлари бошланди.
