ДХХ Чегара қўшинлари ва Ички ишлар органлари ҳамкорлигида ўтказилган тезкор тадбир давомида “ўзбек–қирғиз” давлат чегарасини ноқонуний кесиб ўтган шахс ушланди. У Фарғона вилояти Риштон тумани ҳудуди орқали қўшни давлатдан кириб келган бўлиб, Учкўприк туманида яшаши аниқланган.
Текширув жараёнида гумонланувчи ёнидан умумий қиймати 1 миллиард 320 миллион сўмлик 9 542 дона “Зардекс” номли кучли таъсир қилувчи дори воситалари топилиб, белгиланган тартибда расмийлаштириб олинди. Мазкур дори таркибидаги “прегабалин” моддаси Вазирлар Маҳкамасининг 2019 йил 27-сентабрдаги 818-сон қарорига асосан кучли таъсир қилувчи моддалар рўйхатига киритилган.
Ҳозирда ҳолат юзасидан Жиноят кодексининг тегишли моддалари билан жиноят иши қўзғатилиб, гумонланувчига нисбатан қамоқ эҳтиёт чораси қўлланган. Тергов ҳаракатлари давом этмоқда.
