Жорий йилнинг январь ойида автобусларда чиптасиз ҳаракатланган йўловчиларга қарши кучайтирилган рейд тадбирлари ўтказилди. Натижада 2026 йил январь ойи давомида 11 502 та маъмурий баённома расмийлаштирилган.
Қайд этилишича, ҳуқуқбузарларга Маъмурий жавобгарлик тўғрисидаги кодекснинг 144-моддаси 5-қисми (транспортда чиптасиз юриш) асосида жарималар қўлланилган.
Транспорт вазирлиги таъкидлашича, жамоат транспорти тизимининг барқарор ишлаши бевосита йўлкира тушумларига боғлиқ. Ҳар бир йўловчининг белгиланган тартибда ва ўз вақтида тўловни амалга ошириши автобуслар мунтазамлиги ҳамда хизмат сифатини таъминлашга хизмат қилади.
Аввалроқ Тошкент шаҳрида 2025 йил бошидан сентябрь ойигача йўл ҳақини тўламаган 6 мингдан ортиқ шахс жазолангани ҳақида хабар берилганди.
