Инсон қанча кўп еса, ошқозон деворлари янада кенгайиб, иштаҳа очилаверади. Озмоқчи бўлсангиз, бу одатни йўқотишга ҳаракат қилинг. Таом миқдорини камайтира олсангиз, марра сизники. Ошқозон нормал ҳолатигача кичраяди, овқат ҳазм қилиш тизими яxшиланади, ортиқча вазн эса изсиз йўқолади.
1. Бир порция овқат 150-200 граммни ёки 5 ош қошиқни ташкил этсин. Бу парҳезни тутиш учун овқатланишда жиддий чекловлар деярли йўқ, аммо тезроқ ва яxшироқ натижага эришиш учун шоколад, ширинлик, пишириқлар ва газланган ичимликларни истеъмол қилмай турганингиз маъқул. Чой ва қаҳвани ҳам шакарсиз ичишга ҳаракат қилинг.
2. Таомланиш ораси 3 соат бўлишига аҳамият беринг. Овқатланиш жараёнида сув ёки чой билан таомланиш ярамайди, бунда ошқозон девори кенгаяверади, сиз эса тўйганингизни билмай қолаверасиз. Овқатланиб бўлгандан сўнг чой ичинг.
3. 5 ош қошиқли парҳез учун кунлик таомнома:
7:00. 5 ош қошиқ гуруч ёки геречихали бўтқа. 30 дақиқадан сўнг эса шакарсиз чой ёки сутли қаҳва.
10:00. Исталган мева ёки мевали салат ва 5 ош қошиқ ёгурт
13:00. 5 ош қошиқ картошка бўтқаси, гуруч, сабзавотли бўтқа ёки нўxотли бўтқа. Сўнг тушликни оқсиллар билан давом эттиринг: 200 гр. балиқ ёки 200 гр. мол гўштига 3 ош қошиқ гречиха ва 2 бўлак димланган товуқ гўшти қўшиб енг.
16:00. 200 гр. қатиқ ёки бодринг ва помидор, 5 ош қошиқ сабзавотли салат. Озгина ёнғоқ ва қуруқ мевалар ҳам ейишингиз мумкин. Шунингдек, лаваш ва пишлоқдан бутерброд тайёрлаб тановул қилинг.
19:00. 5 ош қошиқ гречиха ёки 200 гр. балиқ ва 1 стакан кефир ёки 5 ош қошиқ буғда пиширилган сабзавотлар.
4. Бу парҳез организмга зарар келтирмайди. Хавотир олманг, парҳездан сўнг яна вазн йиғишни бошламайсиз. Чунки парҳез вақтида ошқозон деворлари кичрайиб, ўз ҳолига қайтди. «Тўймаслик касали» энди ўтмишда қолди.
