​Ёзнинг иссиқ кунларида полиз косметикасидан фойдаланинг

• Петрушка терини тетиклаштиради. Петрушка шарбати терини тез фурсатда силлиқлаштирувчи ниқоблар ўрнини босади. Ювиниш учун жуда мос восита.
• Сельдерей моддалар алмашинувини яхшилайди. Бу неъмат, одатда, скрабларга ва тана териси учун мўлжалланган воситаларга қўшилади.
• Бодринг терини намлантирувчи ва таранглаштирувчи хусусиятга эга. Ёғли тери учун ниқоблар тайёрлашга мос келади.
• Картошка шишлардан халос бўлишда ёрдам беради, юз терисидаги тешикчаларни торайтиради.
• Кабачки — қуруқ ва шўраланган тери учун мўлжалланган ниқобларбоп ажойиб сабзавот.
• Сабзи терини озиқлантирувчи ниқобларга қўшилади, яхши намлантиради.
• Олча тери тешикчаларини торайтиради. Ёғли тери учун мўлжалланган воситаларга мос. Данаги билан майдаланган олча табиий скраб ҳисобланади.
• Олма юз рангини тиклаб, ажинларни йўқотади. Сутда қайнатилган олма лабингиз учун ажойиб бальзамдир.
• Нокни скраблар ва тешикчалари кенгайиб кетган аралаш тери учун қўлланиладиган воситалар таркибига қўшиш мумкин.