Ўзбекистон Президенти Шавкат Мирзиёев 21–22 апрель кунлари амалий ташриф билан Қозоғистон пойтахти Остона шаҳрида бўлади. Ташриф Қосим-Жомарт Тўқаев таклифига биноан амалга оширилмоқда.
Ташриф доирасида давлат раҳбари Минтақавий экологик саммит ҳамда Оролни қутқариш халқаро жамғармаси таъсисчи давлатлари раҳбарлари кенгаши йиғилишида иштирок этади.
Унда Марказий Осиёда барқарор тараққиётни таъминлаш, экологик ва иқлим муаммолари, шунингдек, сув ресурсларидан оқилона фойдаланиш масалалари муҳокама қилинади.
Саммитлар давомида Президент ўз таклиф ва ташаббусларини илгари суради, шунингдек, миллий павильонлар тақдим этилган махсус экологик кўргазмани кўздан кечиради.
Тадбир якунида қатор муҳим ҳужжатлар қабул қилиниши кутилмоқда.
