Социологлар аҳолиси соғлом мамлакатлар рўйхатини тузди. Унга кўра, сингапурликлар дунёдаги энг соғлом одамлар бўлиб чиқди.
Иккинчи ўринни италияликлар, учинчи ўринни эса австралияликлар эгаллади. Шунингдек, биринчи ўнталикдан Швейцария, Япония, Исроил, Испания, Нидерландия, Швеция ва Германия аҳолиси ҳам ўрин олди.
Рейтингни тузиш пайтида экспертлар аҳолининг яшаш давомийлигини, болалар ўлими даражасини, тамаки ва алкоголь истеъмолини, ортиқча вазнга ва юқори қон босимига эга аҳоли улушини инобатга олди.
Тадқиқот натижаларига кўра, Мозамбик, Чад, Лесото ва Свазиленд аҳолисининг саломатлиги
энг ёмон эканлиги маълум бўлди.
