-Аҳамият берсам, сўнгги пайтларда сиқилганимда ва йиғлаганимда томоғимда қандайдир қаттиқ нарса тиқилишини ҳис этаяпман. Бу буқоқнинг катталашганидан даракми?
Азиза, Янгийўл тумани
Наталья НИ, олий тоифали шифокор-эндокринолог:
— Бўлиши мумкин. Лекин бу фақатгина қалқонсимон безнинг катталашгани билан боғлиқ бўлмаслиги мумкин. Шифокорга мурожаат этиб, қалқонсимон безни ультратовуш текширувидан ўтказинг. Агар томоққа нимадир тиқилгандек бўлиши фақат асабийлашганингизда кузатилса, камқонлик ёки асаб тизимининг бузилиши билан боғлиқ бўлиши ҳам мумкин. Чунки асаб тизимининг бузилиши томоқда тугун ҳосил бўлиши билан ҳам ифодаланади. Аввал терапевт-шифокорга учраб, умумий аҳволингиздаги ўзгаришлар билан таништиринг. Сўнг унинг кўрсатмаси билан гематолог, эндокринолог ва невропатолог мутахассисларга учрашинг. Сиздаги ҳолатнинг сабаби қайси йўналиш бўйича аниқланса, муолажа ҳам айнан ана шу шифокор томонидан белгиланади.
Манба: «Sug'diyona» газетаси
