"Робот-футболчи" Бугунги кунда “ақлли” темиртанлар иштирокидаги спорт мусобақалари ҳам аста-секин оммавийлашиб бормоқда. Хусусан, 1997 йилдан бери дунёнинг турли шаҳарларида ўтказиб келинаётган роботлар ўртасидаги футбол бўйича жаҳон чемпионати аллақачон ўз мухлисларига эга бўлиб улгурди.
“RoboCup” турнирида кичик, ўртача, катта, стандарт ва гуманоид каби турларга бўлинган роботлар ўзаро беллашадилар. Худди шундай мусобақанинг сўнггисига 2014 йилнинг июл ойида Бразилия мамлакати мезбонлик қилганди.
Тўғри, робот-футболчилар ҳақиқий чармтўп усталари каби чаққон ва эпчил эмас, аммо улар йилдан-йилга такомиллаштирилиб борилмоқда. Соҳа мутахассисларининг таҳмин қилишларича, 2050 йилга келиб гуманоид роботлар инсонларни футболда бемалол мағлуб эта оладиган бўлади.
