Чарм ва матодан ишланган сумкалардаги чанг ва қорайган доғларни кетказиш учун ярим литр сувга глицеринли суюқ совундан қўшиб, кўпиртириб аралаштиринг. юмшоқ, қирмайдиган матони аралашмага ботириб, сумканиг қорайган жойини артинг. Кирланган қисмини тозалаганингиздан сўнг оқава совуқ сувда чайиб, қуритинг. Сумка матоси тўлиқ қуриши учун ички астарини ташқарига олиб, қуритиш керак.
Сиёҳ доғи текканида пахтали тампонни спирт эритмасида намлаб, сумка матосига зарар етказмаслик учун аввал кўринмайдиган жойини артиб синаб кўришингиз мумкин. Агар сумка мастосининг ранги чиқмаса, спирт эритмасида сиёҳ доғиини ҳам кетказиш мумкин.
Сумкангизнинг ранги ўчган бўлса, чарм матоларга ишлов бериладиган ласьон билан мато юзасини артинг. Агар бундай ласьонингиз бўлмаса, сумкангиз рангига қараб оддий қора мой ёки зайтун ёғидан фойдаланиш ҳам мумкин. Асосийси, мойлардан фойдалангандан сўнг тоза пахта билан юзасини артиб, ортиқа мойлардан тозаланг.
Чарм матоли сумкаларни янгидай кўринишга келтириш учун илитилган сут билан артиш мумкин. Шунингдек духоба ва бархат матосидан ишланган сумкалар учун ҳам сутга шимдирилган пахта матосини ишлатиш тавсия этилади.
Манба: «SUG‘DIYONA» газетаси.
