2001 йилда хонанда ўзининг инглиз тилидаги биринчи альбоми устида ишлай бошлайди. Бу альбоми учун Шакира аввал таниқли бўлган қўшиқларини инглиз тилига ўгириб куйлашдан бош тортиб, инглиз тилини ўрганиб, янги қўшиқлар ёза бошлайди. Ўша йили томошабинлар эътиборига намойиш этилган альбом дунё бўйлаб 13 миллион нусхада сотилади ва Шакирани бутун дунё танитади.
2002 йилда Шакира 5-марта «MTV Video Music Awards Latin America» совриндори бўлади ва ижодий танаффусга чиқади. Ижодий танаффусда у инглиз ва испан тилида иккита альбом ёзади. Бу альбомлар ҳам аввалгилари каби катта эътибор қозонди.
2006 йилда актриса беш қитъада 125 та концерт беради. Шу жумладан, Мехико шаҳрида мухлисларига бепул концерт тақдим этади.
Шакира хонандалик фаолияти билан чекланиб қолмай, “Ялангоёқлар фонди” («Fundación Pies Descalzos»)ни ҳам ташкил этган. Фонд Колумбия ва Лотин Америкасининг камбағал оила фарзандларини таълим олишига ёрдам беради. БМТнинг аҳолини меҳнат билан таъминлаш ташкилоти Шакирани Лотин Америкасидаги кам таъминланган оила болаларига берган кўп йиллик ёрдами учун медаль билан тақдирлаган.
Манба: «SUG‘DIYONA» газетаси.
