Орамизда иккинчи қаватга чиқса, баландликдан қўрқиб боши айланадиганлар топилади. Ундай одамлар бу хабарни ўқимасалар ҳам майли. Гап шундаки, бу рекорд “ўргимчак-одам” номи билан машҳур француз Ален Робер томонидан қайд этилди. Ален Робер апрель ойида Дубайдаги баландлиги 307 метрга тенг бўлган “Кайан” биносини ҳеч қандай ҳимоя воситаларисиз забт этди.75 қаватли бинога у 65 дақиқа ичида кўтарила олди. Бинонинг ўзига хослиги шундаки, у пастдан юқорига 90°даражага айланиб туради.