Мактабгача ва мактаб таълими вазирлиги 2026–2027 ўқув йили учун 1-синфга қабул жараёни, керакли ҳужжатлар рўйхати ҳамда маслаҳат олиш тартиби бўйича маълумот берди.
Вазирликка кўра, 1-синфга ҳужжатларни онлайн қабул қилиш жараёни 20 июнь соат 10:00 дан бошланган.
Ота-оналар ва қонуний вакиллар болаларини мактабга қабул қилиш учун ҳужжатларни my.maktab.uz ҳамда my.gov.uz платформалари орқали топширишлари мумкин.
Микроҳудудлар доирасидаги аризалар 20 июндан 31 июлга қадар қабул қилинади. 1 августдан 31 августгача эса микроҳудуддан ташқарида яшовчи болалар учун қабул жараёни ташкил этилади.
Керакли ҳужжатлар:
-
086/у ёки 063-шаклдаги тиббий маълумотнома
-
3×4 ўлчамли фотосурат
-
ота-она ва боланинг шахсини тасдиқловчи ҳужжат
Шунингдек, @mymaktabuz_bot орқали ҳам маслаҳат олиш имкони мавжуд.
