КУЁВБОЛА, СИЗ ЎЗ ХОНАДОНИНГИЗНИНГ ПОСБОНИСИЗ!

Рафиқангизни ширинсўзлик билан оилангизга мослаштириб боринг. Ўзи учун мутлақо нотаниш хонадонга келган келинни бу муҳитнинг иссиқ-совуғи, паст-баландига ўргатиш энг аввало сизга боғлиқ.

• Адолатли тарозибон бўлинг. Баъзиларга ўхшаб «икки ўт орасида» қолмаслик учун бошиданоқ рафиқангизга сиз учун биринчи ўринда онангиз, кейинги ўринда у эканини чиройли қилиб билдиринг.
• Ҳар қандай вазиятда ҳам жаҳлга эрк берманг. Фақат аёл эмас, эркак ҳам вақтида сукут сақлашни билиши керак. Аёлингиз нимадандир норози бўлиб гап бошласа, вазминлик билан фикрингизни билдиринг. Шунда ҳам гапдан тўхтамаса, индаманг-да, у жаҳл отидан тушиб, «ўзига келиб» қолганида «аслида мана бундай эди» дея тушунтирсангиз, ўзи уялиб қолади. Баҳонада жанжалнинг олдини олган бўласиз.
• Бўлар-бўлмасга рашк қилаверманг. Оила мустаҳкам бўлиши учун эр-хотин бир-бирига ишониши керак.

Манба: «SUG‘DIYONA» газетаси.