Ҳозирги кунда пальтоларнинг тури шу қадар кўпки, харид учун чиқсангиз, бошингиз айланади. Қайси бирини танлаган маъқул? Қандай кўринишдаги қоматга қай андозадаги пальто танланса тўғри бўлади? Унинг сифатини аниқлашда нималарга аҳамият бериш лозим? Умид ва ҳаракат қиламизки, саҳифамиз сўнгида бу саволларга албатта жавоб топасиз.
Агар қоматингиз тўладан келган бўлса…
Сиз танлаган пальто қоматингизга «қолипдай турадиган» бўлсин. Яъни тўладан келганингизни бекитиш учу натай кенг пальто танламанг. Бу сизни баттар тўла қилиб кўрсатади. Пальтонгиз белбоғли, тугмалари бир қатор қилиб жойлаштирилган бўлиши керак. Агар сизга олд томонида ортиқча деталлари бўлган пальто ёқса, белбоғсиз, этаги кенгроқ бичимдагисини танланг.
Диққат! Устки қоплама чўнтак ва қалин астарлилари пальто сиз учун эмас! Улар қоматингизга ортиқча ҳажм қўшиб кўрсатади.
Озғинларга…
Белбоғи белдан пастда турадиган бичимдаги пальто қоматингизни чиройли кўрсатади. Озғинлигингизни бекитиш, яъни вазндорроқ кўринишни истасангиз, устки қоплама чўнтаклари ва бошқа қўшимча безаклари бўлганини танланг.
Диққат! Елкангизни кенг қилиб кўрсатадиган бичимдаги пальтоларнинг яқинига ҳам йўламанг!
Паст бўйли бўлсангиз…
Асосий эътиборни пальтонинг узунлигига қаратишингиз лозим. Этаги тиззангиздан тахминан 5 см. юқорида тугаши керак. Агар бўйингиз узунроқ кўринишини истасангиз, шундай бичимдаги пальтони танлангки, белдан юқори қисмидан бошлаб кенгайиб кетган ва кўтарма ёқали бўлсин.
Диққат! Сиз узун пальто танламаганингиз маъқул! Шунингдек, сизга турли безак берувчи деталлар ҳам керак эмас.
Узун бўйлиларга…
Табриклаймиз! Сиз ўзингиз хоҳлаган турдаги ҳар қандай пальтони танлашингиз мумкин. Асосийси, у ўзингизга қулай бўлсин!
Бироқ тўртбурчак шаклдаги пальто ҳатто сиздек сарвиқоматларга ҳам унчалик ярашмайди. Шунингдек, у ўта калта ва жуда узун ҳам бўлмасин.
Шунингдек…
- Бўкса қисми жуда кенг бўлганлар трапеция қилиб бичилган пальтони танлагани яхши.
- Қомати V кўринишида бўлган, яъни кенг елкали аёлларга бир хил рангли матодан тикилган, катта ёқали пальто мос келади.
- Аввало ўз рангингизни инобатга олинг. Масалан, қорачадан келган бўлсангиз, ўта ёрқин ёки қоп-қора тусдагисини танламанг.
- Юзингиз рангини чиройли кўрсатиши ва унга қизиллик бериши учун қизил ёки қорақизил рангдаги пальтони танланг.
- Оқ рангнинг барча турлари гарчи чиройли кўринса-да, тез кирланиши билан бироз ноқулайлигини инобатга олинг.
- Пальтонинг кўзга ташланмайдиган ранглисини танлаганингиз маъқул. Бошқалардан ажралиб туришни хоҳлашингиз мумкин, албатта, аммо ҳар нарсада меъёр бўлгани яхши. Кулранг, жигарранг ва қора тусдаги пальтоларга эътибор беринг. Агар жуда ёрқин ранглисини танласангиз, тез кирланишини ҳам ёдда тутинг.
- Бошқалардан ажралиб туриш мақсадида бир неча ёрқин ранглардан иборат пальтони афзал билманг. Бир рангдагисини хоғламаётган бўлсангиз, оддийгина оқ ва қора рангли матолардан тикилгани ҳам чиройли кўринади.
Қайси рангдагиси маъқул?
Маслаҳатлар
- Аввало эсда тутингки, мода ортидан қувиш керак эмас. Яхшиси, ўз қулайлигингизни ўйланг.
- Агар пальтони иссиқ кунларда харид қилсангиз, кийиб кўраётганда эътиборли бўлинг. Албатта, пальто елкангиздан осилиб тушиб турмаслиги керак, аммо қишда ичидан қалин кийимлар кийишингизни ҳам ҳисобга олинг.
- Агар ўзингизга ёққан бичимдагисини кийиб кўрганингизда қоматингизга «қолипдек» турган бўлса-да, яхшиси, бир ўлчам каттасини харид қилинг. Кейин афсусланмайсиз.
- Харид қилаётганда палтони кийиб, қўлларингизни олдинга чўзиб кўринг, шунингдек у ёқ-бу ёққа юринг. Шундай ҳолатларда ноқулайлик сезмаслигингиз зарур.
- Енгларининг узунлиги кафт ўртасигача келиши керак.
- Пальто сумка ва этигингиз билан мос келиши керак. Танлаётганда шунга ҳам эътибор беринг.
- Пальтонинг пастки чети камида 3 см., енгларининг чети эса 2 см. қайрилган бўлиши керак.
- Пальто жун (шерсть) газламадан тикилган бўлса, унинг сифатини аниқлашнинг оддий усули бор: агар унинг ёрлиғида «Wool 100%» деган ёзув бўлса, бу пальто сифатли эмас. Ростдан ҳам юқори- перед вами вещь низкого качества. Таркибида жун кўп бўлган жунли газламада «Reine Schurwolle» ёзуви бўлади.
- Пальто танлашда нархининг ҳам аҳамияти катта. Баъзилар пальто сифатини унинг баҳосига қараб ўлчайди. Лекин ҳамиша ҳам бундай бўлавермаслиги мумкинлигини ёдда тутинг. Қоматингизга ярашса-ярашмаса, қимматбаҳосини харид қилсангиз, у эгнингизга чиройли кўринмайди. Шунинг учун яхшиси, «чиройли либос — ярашгани» деган гапга амал қилинг.
Манба: «SUG‘DIYONA» газетаси
