ХОНА ҲАВОСИНИ ЯНГИЛАЙМИЗ!

• Энг осон ва тез усуллардан бири бу — пульверизатор (сув пуркагич)га сув ҳамда бир неча томчи исталган эмир мойидан солиб, уй бўйлаб сепиб чиқишдир.
• Сирли идишга икки литр сув ва битта лимон пўстлоғини солиб, 20 дақиқа давомида қайнатинг. Бу иш билан ошхонадаги ёқимсиз ҳидни осонгина бартараф этса бўлади. Бошқа хоналардан ҳам ёқимли ис келиб туришини истасангиз, қайнатмани идишларга солиб хоналарга қўйиб чиқинг. Совугач йиғиб олинг.
• Хона полларини артиб бўлгач, 5-6 томчи йод қўшилган 1 литр сувда матони намлаб, яна бир марта пол артиб чиқилади. Бу усулни бажарганингиздан сўнг хоналардан худди денгизнинг ёқимли ҳиди келаётганга ўхшайди.
• Докадан кичик халтачалар тикинг, уларнинг ичини кўк чойнинг қуруқ барги билан тўлдиринг. Хонанинг турли ерларига илиб қўйинг.
• Ярим литрли банкани атиргул япроқлари билан тўлдиринг, уларнинг орасига озгина туз сепишни унутманг. Сўнг икки ош қошиқ спирт солиб, банканинг қопқоғини маҳкам ёпинг. Бир кун қоронғи ва салқин ерда сақланг. Хонани ҳавосини янгилаш керак бўлганда атиргулли банканинг қопқоғини бироз очиб қўйинг.