Ўзбекистон Миллий хавфсизлик хизмати собиқ раиси Рустам Иноятов Президент Фармони билан Олий Мажлис Сенати аъзоси этиб тайинланди. Бу ҳақда Президент матбуот хизмати маълум қилди.
Ўзбекистон Республикаси Президентининг 2018 йил 31 январдаги Фармони билан Конституциянинг 77-моддаси ва "Ўзбекистон Республикаси Олий мажлисига сайлов тўғрисида"ги Қонуннинг 50-моддасига мувофиқ Ўзбекистон Республикаси Президентининг сиёсий-ҳуқуқий масалалар бўйича Давлат маслаҳатчиси Рустам Расулевич Иноятов Ўзбекистон Республикаси Олий Мажлиси Сенатининг аъзоси этиб тайинланди.
