2018 йил 29 март куни ўз ишини бошлайдиган Ўзбекистон Республикаси Олий Мажлисининг ўн тўртинчи ялпи мажлиси олдидан Мудофаа ва хавфсизлик масалалари қўмитаси йиғилиши бўлиб ўтди.
Қўмита раиси Фаррух Дадахўжаев бошқарган йиғилишда сенаторлар, тегишли ташкилотлар вакиллари ва оммавий ахборот воситалари ходимлари иштирок этди. Унда «Ўзбекистон Республикаси Давлат хавфсизлик хизмати тўғрисида»ги Ўзбекистон Республикасининг қонуни ҳақидаги масала кўриб чиқилди.
«Мудофаа доктринаси» ва Ўзбекистон Республикаси Президенти томонидан 2018 йил январда Хавфсизлик кенгаши йиғилишида берилган топшириқлар ижроси юзасидан мудофаа вазири ўринбосарининг соҳада амалга оширилаётган ишлари тўғрисидаги ҳисоботи эшитилди.
Шунингдек, ялпи мажлис кун тартибидан ўрин олган бошқа масалалар муҳокама этилди.
