13 апрель куни Президент Шавкат Мирзиёевнинг Сирдарё вилоятига ташрифи режалаштирилган. Бу ҳақда Президентнинг Матбуот котиби Комил Алламжонов ўзининг Facebookдаги саҳифасига хабар қолдирган, дея ёзмоқда “Халқ сўзи” нашри.
Ташрифда давлатимиз раҳбари вилоятдаги саноат корхоналари, маданият ва спорт мажмуалари билан танишиши, вилоят иқтисодиётини ривожлантириш, шаҳарлар ва йўл инфратузилмасини яхшилаш бўйича янги вазифаларни белгилаб бериши кутилмоқда.
