Samsung компаниясининг Galaxy S5 флагмен смартфони Apple’нинг iPhone 5s смартфонига нисбатан кам сотилмоқда. Бу ҳақда Reuters агентлиги Counterpoint аналитик компанияси ҳисоботига таяниб хабар бермоқда.
Counterpoint маълумотларига кўра, 2014 йил май ойида Galaxy S5 5 млн дона сотилган. Ушбу давр оралиғида эса Apple компанияси iPhone 5s смартфонидан 7 млн дона сотган. iPhone 5s ўтган йилнинг октябр ойидан бери сотилиши инбатга олинса, унга бўлган талаб юқори даражада сақланиб турибди.
Энди Samsung компанияси металлдан ишлаб чиқарилган Galaxy F смартфони билан Galaxy брендини кучайтириш ниятида.
Эслатиб ўтамиз, Apple компанияси iPhone 6 смартфонининг экрани 4,7 дюмли моделини жорий йили сотувга чиқаради, экрани 5,5 дюмли модели эса кейинги йилдагина савдо расталарида пайдо бўлиши мумкин.
