Beeline қайта қўнғироқ, SMS-хабар ёки электрон ҳат олиш мақсадида юборилаётган ва тез такрорланаётган SMS-спам ҳолатлари ҳақида огоҳлантирмоқда. Хабар компаниянинг Facebook’даги саҳифасида қолдирилди.
Фирибгарларнинг ҳаракатлари натижасида абонент шахсий маълумотларини, пул маблағларини йўқотиши, компьютер ёки мобил мосламасига зарарли дастурни юклаб олиши, шунингдек спам-саҳифага тушиб қолиши мумкин. Расмдаги каби SMS келганида ( масалан «Здравствуйте, позвоните мне срочно 002454056520» ), Beeline зинҳор фирибгарларга қайта қўнғироқ қилмасликни ва жавоб бермасликни, шунчаки ўз мосламангиздан уни ўчириб ташлашни тавсия қилди.