Туркияда икки бошли дельфин топилди

ДУНЁ 12.08.2014, 12:18
Туркияда икки бошли дельфин топилди
Туркиянинг Измир шаҳридаги денгиз бўйида икки бошли дельфиннинг ўлиги топилди. Уни маҳаллий аҳоли вакили, жисмоний тарбия ўқитувчиси Тугрул Метин кўриб қолган ва зудлик билан полицияга хабар берган, деб ёзади 24smi.org нашри.
 
- “Аввалига узоқда ранги одатдагидан бироз бошқача дельфинга кўзим тушди. Разм солиб қарасам, унинг боши иккита бўлиб кўринди. Очиғи, уни кўриб балки кўзимга шундай кўрингандир, деб ҳам ўйладим. Дельфинни кузатиш учун оролда бир муддат қолдим. Дельфин аста-секин орол томонга яқинлашди, бироздан кейин эса тўлқинлар уни оролга суриб келди. Ёнига борганимда у жонсиз эди, умримда бунақасини кўрмаганман” - дейди Тугрул Метин.
 
Полицияга берилган хабардан сўнг оролга соҳа мутахассислари етиб келишган ва дельфинни экспертизага олиб кетишган.
Аниқланишича, дельфин танасидаги нафас олиш системасидан бошқа ҳамма органлар яхши ривожланган. У нафасни фақат битта бошдаги мия ва нафас йўли орқали олган. Шу сабабли ҳам дельфин нафас етишмаслиги оқибатида халок бўлган бўлиши мумкин.

Шарҳлар

Об-ҳаво: Тошкент
Валюта курси
1