Эбола вируси оқибатида ҳалок бўлаётганлар сони ортиб бормоқда. Жаҳон соғлиқни сақлаш ташкилоти томонидан жорий йилда ҳалок бўлганлар сони 5689 киши эканлигини тасдиқлади.
2014 йилнинг 23 ноябр ҳолатига вирус билан 15935 киши зарарланган, дея хабар бермоқда ТАСС.
Қурбонлар ва зарарланганлар энг кўп Либерияда қайд этилган. 3016 киши ҳалок бўлган бўлса, 7168 киши зарарланган. Либериядан кейинги ўринларда Сьерра-Леоне ва Гвинея турибди.
Сьерра-Леонеда 1398 киши хавфли вирус сабаб ҳаётдан кўз юмган, яна 6599 киши зарарланган. Гвенияда эса бу кўрсаткич, 1260га 2134ни ташкил этади.
