Эрон футбол федерацияси президенти Меҳди Тож миллий терма жамоанинг 2026 йилги Жаҳон чемпионатидаги иштироки сўроқ остида қолаётганига муносабат билдирди. Бу ҳақда Марcа нашри xабар бермоқда.
Сўнгги вақтларда минтақада кузатилаётган ҳарбий-сиёсий зиддиятлар спорт соҳасига ҳам ўз таъсирини ўтказмоқда. Меҳди Тож АҚШ томонидан амалга оширилган ҳужумлардан сўнг, жамоанинг мусобақада қатнашиш имкониятларини паст баҳолади.
“Шу кунларда юз бераётган воқеалар ва Қўшма Штатлар томонидан амалга оширилган ҳужумдан сўнг, Жаҳон чемпионатига умид билан қараш қийин. Бироқ бу масала бўйича якуний қарорни спорт ташкилотлари раҳбарлари қабул қилиши керак”, дейди федерация раҳбари.
Маълумот учун, Эрон терма жамоаси ЖЧ—2026 йўлланмасини қўлга киритиб, “Г” гуруҳидан жой олган эди. Қуръага кўра, жамоага Белгия, Миср ва Янги Зеландия рақиблик қилиши белгиланган. Эътиборли жиҳати шундаки, гуруҳдаги барча учала учрашув ҳам айнан АҚШ ҳудудида бўлиб ўтиши режалаштирилган.
