Халқ депутатлари Қашқадарё вилояти кенгашининг навбатдан ташқари сессиясида Мирзаев Зойир Тоирович - Қашқадарё вилоят ҳокими вазифасини бажарувчи этиб тайинланган эди. Шунингдек, вилоят ҳокимининг биринчи ўринбосари Хуррам Джўраев Чироқчи тумани ҳокими лавозимига ўтказилган эди.
Бугун Чироқчи туман ҳокимлиги мажлислар залида Халқ депутатлари туман Кенгашининг навбатдан ташқари сессияси бўлиб ўтди. Йиғилишда вилоят ҳокими вазифасини бажарувчи З.Мирзаев сўзга чиқди. Танқидий-таҳлилий руҳда ўтган йиғилишда ташкилий масала кўрилди. Шу кунгача вилоят ҳокимининг биринчи ўринбосари вазифасида ишлаб келган Хуррам Джўраев Чироқчи тумани ҳокими этиб тайинланди.
