LG компанияси яқинда ишлаб чиқарилган янги турдаги “ақлли” соатларига LG Watch Urbane деб ном берди, дея ёзади hi-news.ru.
Ушбу янги гаджет Android Wear операцион тизими остида ишлайди. У 1,3 дюймли P-OLED-матрицали экран, икки – тилларанг ва кумушранг металл корпус, 22 миллиметрли тоза чармдан ишланган боғич ва юрак юришини қайд қилиб турувчи сенсорга эга. Шу билан бирга LG Watch Urbane соатларига Qualcomm Snapdragon 400 процессори ўрнатилган.
Соатларнинг умумий қалинлиги жами 10,9 миллиметрни ташкил қилади. Янги соат олдинги моделлардан қўшимча сенсор ва жиддий дизайнга эгалиги билан фарқланиб туради.
Айни дамгача LG’нинг янги соатларини ҳеч ким қўлга олиб кўришга муваффақ бўлмаган, бироқ компания бу соатни икки ҳафталардан кейин бўлиб ўтадиган Mobile World Congress кўргазмасида намойиш қилишни мўлжаллаган.
