LG kompaniyasi yaqinda ishlab chiqarilgan yangi turdagi “aqlli” soatlariga LG Watch Urbane deb nom berdi, deya yozadi hi-news.ru.
Ushbu yangi gadjet Android Wear operasion tizimi ostida ishlaydi. U 1,3 dyuymli P-OLED-matrisali ekran, ikki – tillarang va kumushrang metall korpus, 22 millimetrli toza charmdan ishlangan bog`ich va yurak yurishini qayd qilib turuvchi sensorga ega. Shu bilan birga LG Watch Urbane soatlariga Qualcomm Snapdragon 400 prosessori o`rnatilgan.
Soatlarning umumiy qalinligi jami 10,9 millimetrni tashkil qiladi. Yangi soat oldingi modellardan qo`shimcha sensor va jiddiy dizaynga egaligi bilan farqlanib turadi.
Ayni damgacha LG’ning yangi soatlarini hech kim qo`lga olib ko`rishga muvaffaq bo`lmagan, biroq kompaniya bu soatni ikki haftalardan keyin bo`lib o`tadigan Mobile World Congress ko`rgazmasida namoyish qilishni mo`ljallagan.
