Хитойнинг смартфонлар ишлаб чиқариш бўйича энг йирик компанияси “Шиаоми” яқин ойлар ичида АҚШда ўзининг “Ми сторе” биринчи онлайн дўконини очишни режалаштираётганини эълон қилди.
Бу ҳақда компания вице-президенти Хюго Барра ушбу лойиҳанинг тақдимотида хабар берган. “Шиаоми” компанияси 5 йил аввал ўз ишини бошлаганига қарамасдан 2014 йилнинг охирига келиб смартфонлар ишлаб чиқариш бўйича Apple ва Samsung'дан сўнг 3-ўринга чиқиб олган.
Компания ҳозирда ўз бизнесини АҚШдан ташқари бошқа давлатларга ҳам кенгайтиришни режалаштирмоқда. Жорий йилнинг январ ойида Россиянинг алоқа оператори “Мегафон” “Шиаоми” бюджет смартфонларини сотувга чиқаришни режалаштираётгани ҳақидаги хабарлар тарқатилган эди.
