28

“Ўзбекнефтгаз” Бошқарув раиси “Uzbekistan GTL” заводида олиб борилаётган қурилиш-монтаж ишлари ҳолатини ўрганди

ИҚТИСОДИЁТ 26.07.2020, 13:26
802
“Ўзбекнефтгаз” Бошқарув раиси “Uzbekistan GTL” заводида олиб борилаётган қурилиш-монтаж ишлари ҳолатини ўрганди

Ўзбекистон Республикаси Президенти Шавкат Мирзиёев томонидан минтақадаги энг йирик корхонанинг қурилиш ишларини 2020 йилнинг якунига қадар якунлаб, уни ишга тушириш борасида топшириқлар берилди.

"Ўзбекнефтгаз" АЖ Матбуот хизматининг маълум қилишича, ушбу топшириқларни амалда бажарилишини таъминлаш мақсадида  Бошқаруви раиси Меҳриддин Абдуллаев "GTL" заводида бўлди ва заводда олиб борилаётган қурилиш-монтаж ишлари ҳолати ўрганилди.

Қашқадарё вилоятида жойлашган конлар ва қудуқлардаги вазиятни ўрганган Бошқарув раиси қоронғу тушган бўлишига қарамай, “Шўртан газ кимё комплексининг тозаланган метан негизида синтетик суюқ ёқилғи ишлаб чиқариш” инвестиция лойиҳаси қурилиш майдонида бўлди.

Туну кун иш давом эттирилаётган "GTL" заводининг асосий технологик қурилмаларининг қурилиш жараёни ҳамда қурилиш майдонида фаолият олиб бораётган мутахассис ва ишчи-ходимларнинг меҳнат шароитлари ўрганилди.

Ўзбекистонда ва бутун дунёда вужудга келган эпидемиологик вазиятга қарамасдан, синтетик суюқ ёқилғи ишлаб чиқариш бўйича минтақадаги энг йирик бўлган завод қурилиши давом этмоқда.

Ушбу стратегик муҳим лойиҳани амалга оширишда иштирок этаётган ҳар бир ходимнинг ҳаёти ва соғлиғини ҳимоя қилиш, унинг сифатли ва ўз вақтида бажарилишига қаратилган бир қатор кўрсатма ва топшириқлар берилди.

Бошқарув раисига ҳисобот берган “GTL” заводи раҳбари Фаҳриддин Абдурасуловга кўра, “Инвестиция лойиҳаси”ни амалга ошириш якуний босқичга кирган, 10 мингга яқин ишчилар, минглаб техникаларда қурилиш ишларини узлуксиз давом эттиришмоқда.

Эслатиб ўтамиз, ҳозирги кунда республика иқтисодиёти учун ўзининг стратегик аҳамияти ва муҳимлиги билан минтақадаги энг йирик инвестицион лойиҳа- “Uzbekistan GTL” тўлиқ лойиҳалаш қувватига эришгач, йилига 3,6 миллиард куб метр табиий газ (метан) қайта ишланади ва 1,5 миллион тонна юқори сифатли синтетик суюқ ёқилғи, жумладан, 307 минг тоннадан ортиқ авиакеросин, 724 минг тонна дизел ёқилғиси, 437 минг тонна нафта ва 53 минг тонна суюлтирилган газ ишлаб чиқарилади.

Завод дунёнинг нефть ва газ кимёси соҳасида етакчи ҳисобланадиган Sasol (Жанубий Африка), Haldor Topsoe (Дания) ва Chevron (АҚШ) каби компанияларнинг технологиялари асосида лойиҳалаштирилган бўлиб, бу ерда 808 та янги иш ўринлари яратилади.

Лойиҳа доирасида қурилиш-монтаж ишларини жорий йилнинг декабрь ойига қадар тугатиш бўйича барча чораларни кўрилмоқда.

Шарҳлар

Кун мавзуси: коронавирус
Об-ҳаво: Ташкент
+34° ясно
Валюта курси
10231.71
USD 21.85
12059.09
EUR 38
138.65
RUB 1.19